قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №80

2015 جىلعى 30 قاڭتار, استانا قالاسى تۋريستىك قىزمەتتەر كورسەتۋ قاعيدالارىن بەكىتۋ تۋرالى «قازاقستان رەسپۋبليكاسىنداعى تۋريستىك قىزمەت تۋرالى» 2001 جىلعى 13 ماۋسىمداعى قازاقستان رەسپۋبليكاسى زاڭىنىڭ 11-بابى 20-4) تارماقشاسىنا سايكەس بۇيىرامىن: 1. قوسا بەرىلىپ وتىرعان تۋريستىك قىزمەتتەر كورسەتۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامامەن بەلگىلەنگەن تارتىپتە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ءبىرىنشى ۆيتسە-ءمينيسترى ج.م. قاسىمبەككە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ . «كەلىسىلدى» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا. 2015 جىلعى 12 اقپان «كەلىسىلدى» قازاقستان رەسپۋبليكاسىنىڭ سىرتقى ىستەر ءمينيسترى _________________ ە.ىدىرىسوۆ. 2015 جىلعى «__» ______________ «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى _________________ ە. دوساەۆ. 2015 جىلعى 9 اقپان «كەلىسىلدى» قازاقستان رەسپۋبليكاسىنىڭ ىشكى ىستەر ءمينيسترى _________________ ق. قاسىموۆ 2015 جىلعى 20 اقپان قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 30 قاڭتارداعى № 80 بۇيرىعىمەن بەكىتىلگەن تۋريستىك قىزمەتتەر كورسەتۋ قاعيدالارى 1. جالپى ەرەجەلەر 1. وسى تۋريستىك قىزمەت كورسەتۋ قاعيدالارى (بۇدان ءارى - قاعيدالار) «قازاقستان رەسپۋبليكاسىنداعى تۋريستىك قىزمەت تۋرالى» 2001 جىلعى 13 ماۋسىمداعى قازاقستان رەسپۋبليكاسىنىڭ زاڭىنا سايكەس ازىرلەندى جانە تۋريستىك قاجەتتىلىكتەرىن قاناعاتتاندىرۋعا قاجەتتى, ونىڭ ساياحاتى كەزەڭىندە جانە وسى ساياحاتقا بايلانىستى ۇسىنىلاتىن تۋريستىك قىزمەتتەر كورسەتۋ ءتارتىبىن رەگلامەنتتەيدى. 2. وسى قاعيدادا كەلەسى تۇسىنىك قولدانىلادى: ترانسفەرت - تۋريستىك قىزمەتتى جۇزەگە اسىراتىن تۇلعالار جانە (نەمەسە) جەكەلەگەن تۋريستىك قىزمەتتەر كورسەتەتىن ءۇشىنشى تۇلعالار ءتۋريستى اۋەجايدا, تەمىر جول ۆوكزالىندا نەمەسە تۋريست كورسەتكەن مەكەنجايدا جەكە قارسى الۋ, ونى دەمالىس ورنىنا جانە (نەمەسە) ءتۋريستى ورنالاستىرۋ ورنىنا جەتكىزۋ. 3. تۋريستىك قىزمەتتەر كورسەتۋ گيدپەن (گيد-اۋدارماشىمەن) جانە ەكسكۋرسوۆودپەن جاسالاتىن شارتتاردى قوسپاعاندا, قازاقستان رەسپۋبليكاسىنىڭ زاڭناماسىنا سايكەس تۋريستىك قىزمەت كورسەتۋگە ارنالعان شارت نەگىزىندە جۇزەگە اسىرىلادى. 4. تۋريست تۋريستىك قىزمەتتى جۇزەگە اسىرۋشى تۇلعاعا ءوزى جانە تۇلعالار تۋرالى تولىق اقپاراتتى تۋريستىك قىزمەت كورسەتۋگە ارنالعان شارت جاساسۋ پايداسىنا, وسىنداي شارت بويىنشا مىندەتتەمەنى ورىنداۋ ءۇشىن قاجەتتى كولەمدە ۇسىنادى. 5. ەگەر كورسەتىلگەن وزگەرىستەر توتەنشە جاعدايلارعا بايلانىستى بولسا, تۋريستىك ساياحاتتاۋ مارشرۋتتارىن ءتۋريستىڭ كەلىسىمىنسىز وزگەرتۋگە بولادى. 2. تۋريستىك قىزمەتتەر كورسەتۋ ءتارتىبى 6. تۋريستىك قىزمەتتى جۇزەگە اسىراتىن تۇلعالار تۋريستىك قىزمەت كورسەتۋگە ارنالعان جازباشا نىساندا جاسالعان شارتتىڭ نەگىزىندە تۋريستىك قىزمەتتى كورسەتەدى. «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭىنا سايكەس: 1) تۋريستىك وپەراتور ليتسەنزيا نەگىزىندە قىزمەتتى جۇزەگە اسىرادى; 2) تۋريستىك اگەنتتىك قىزمەت, گيدتەر (گيدتەر-اۋدارماشىلار) قىزمەتى, ەكسكۋرسوۆودتار مەن تۋريزم نۇسقاۋشىلارىنىڭ قىزمەتى حابارلامالار تارتىبىندە جۇزەگە اسىرىلادى. 7. تۋريستىك وپەراتور جانە تۋريستىك اگەنت تۋريستىك وپەراتوردىڭ, تۋريستىك اگەنتتiڭ ازاماتتىق-قۇقىقتىق جاۋاپكەرشىلiگiن مiندەتتi ساقتاندىرۋدىڭ شارتى جارامدى بولعان كەزدە قىزمەتتى جۇزەگە اسىرادى. 8. تۋريستىك ونىمدە قازاقستان رەسپۋبليكاسىنىڭ شەگىندە ۋاقىتشا بولاتىن جەردە (ەلدە) تۋريستىك رەسۋرستارمەن تانىسۋ جونىندەگى ەكسكۋرسيالى-اقپاراتتىق, ۇيىمداستىرۋشىلىق قىزمەتتەر بولعان جاعدايدا تۋريستىك وپەراتور تۋريستىك ەكسكۋرسوۆودتا, گيدتە (گيد-اۋدارماشىدا) جانە تۋريزم نۇسقاۋشىسىندا مىندەتتى تۇردە قازاقستان رەسپۋبليكاسىنىڭ ازاماتتىعى بولۋى تۋرالى «قازاقستان رەسپۋبليكاسىنداعى تۋريستىك قىزمەت تۋرالى» 2001 جىلعى 13 ماۋسىمداعى قازاقستان رەسپۋبليكاسى زاڭىنىڭ تالاپتارىنىڭ ساقتالۋىن قامتاماسىز ەتەدى. 9. ءتۋريستى تاسىمالداۋ بويىنشا قىزمەت كورسەتۋ تۋريستىك قىزمەت كورسەتۋگە ارنالعان شارتتىڭ نەگىزىندە جۇزەگە اسىرىلادى. تۋريستىك قىزمەت كورسەتۋگە ارنالعان شارتتا رەتتەلمەگەن تاسىمالداۋ ماسەلەلەرى كولىك سالاسىنداعى ءتيىستى زاڭنامامەن, سونداي-اق قازاقستان رەسپۋبليكاسى قاتىسۋشىسى بولىپ تابىلاتىن حالىقارالىق شارتتارمەن رەتتەلەدى. 10. قازاقستان رەسپۋبليكاسىنىڭ شەگىندە ءتۋريستىڭ ءومىرى مەن دەنساۋلىعى ءۇشىن اسا قاۋىپ تۋعىزاتىن مارشرۋتتارمەن (تاۋلى جانە وتۋگە قيىن جەرلەر, سپەلەولوگيكالىق جانە سۋ وبەكتىلەرى, ءتۋريزمنىڭ ەكسترەمالدىق جانە باسقا تۇرلەرىمەن اينالىسۋ) وتكەن جاعدايدا تۋريستىك قىزمەتتى جۇزەگە اسىراتىن تۇلعالار ءتۋريستى قاجەتتى كەرەك -جاراقتارمەن قامتاماسىز ەتەدى. 11. تۋريستىك وپەراتور تۋريستىك اگەنت ءۇشىن ونىڭ ءوزى قالىپتاستىرعان تۋريستىك ءونىمدى وتكىزۋ بويىنشا وقۋ ترەنينگىن وتكىزەدى. 12. تۋريستىك قىزمەتتى جۇزەگە اسىراتىن تۇلعالار مۇگەدەكتەر مەن حالىقتىڭ قاۋقارى از توپتارعا تۋريستىك قىزمەتتى جانە تۋريستىك ءونىمدى قالىپتاستىرۋ كەزىندە قاراستىرادى: 1) تەحنيكالىق كومەكشى (كومپەنساتورلىق) قۇرالداردى پايدالانا وتىرىپ كەدەرگىسىز قوزعالۋ مۇمكىندىگىن قاراستىرادى; 2) تۋريستىك يندۋستريا وبەكتىلەرىندە جەكە دىبىستىق ماياكتاردىڭ بولۋىن قاراستىراتىن اۋديوۆيزۋالدىق اقپاراتتىق جۇيەنىڭ جۇيەلى دىبىستىق حابارلامالار نەمەسە تۋريستىك يندۋستريا وبەكتىسى اۋماعىندا جانە بارلىق الاڭىندا راديوفيكاتسيانىڭ, سونداي-اق ارنايى اقپاراتتىق تابلولاردىڭ بولۋى; 3) تۋريستىك ساياحاتتار مەن ەكسكۋرسيالار مارشرۋتتارىندا ىڭعايلى باعدارلاۋدىڭ بولۋى (ارنايى اقپاراتتىق جانە باعدارلاۋ قۇرىلعىلارى); مۇگەدەكتەر مەن حالىقتىڭ قاۋقارى از توپتار ءۇشىن ۆيزۋالدىق جانە دىبىستىق اقپارات ءتۋريستىڭ باعدارىنا جاقسى قابىلداۋدى جانە قاۋىپتى كوزدەردىڭ مۇمكىندىگى تۋرالى ونى ەسكەرتۋدى قامتاماسىز ەتۋى ءتيىس. 13. مۇگەدەكتەر مەن حالىقتىڭ قاۋقارى از توپتارعا تۋريستىك جانە ەكسكۋرسيالىق قىزمەتتەردى كورسەتۋ ارنايى دايىندالعان پەرسونالمەن بىرگە جۇرگىزىلەدى. 14. تۋريستىك قىزمەتتى جۇزەگە اسىراتىن تۇلعالار تۋريستكە كورسەتىلەتىن تۋريستىك قىزمەتتەر تۋرالى تولىق جانە دۇرىس اقپاراتتى ۇسىنادى. 15. تۋريستىك ءونىمنىڭ تۇتىنۋشىلىق قاسيەتتەرى تۋرالى اقپارات مىنالاردى قامتيدى: 1) ساياحاتتىڭ باستالۋ جانە اياقتالۋ كۇنى, ۋاقىتى; 2) تۋريستەردى ورنالاستىرۋ ورىندارى (تۇرۋ ءتارتىبى, ورنالاستىرۋ ورنىنىڭ قۇرالىنىڭ اتاۋى, ساناتى, ءنومىردىڭ ءتيپى) تۋرالى اقپارات; 3) تاماقتانۋ (تۋريستىك مارشرۋت بويىنشا ءتۋريستىڭ قوزعالۋ ۋاقىتىندا جانە ءتۋريستى ورنالاستىرۋ ورنىنداعى تاماقتانۋ ءتارتىبى); 4) ءتۋريستى تاسىمالداۋ جونىندەگى قىزمەتتەر – ترانسفەرتتىك قىزمەتتى قوسا العاندا, ساياحاتتىڭ بارلىق كەزەڭىندە كولىكتىڭ ءتۇرى, ءتيپى جانە ساناتى, تاسىمالداۋشىنىڭ جانە (نەمەسە) تاسىمالداۋشىلاردىڭ اتاۋى; 5) تۋريستىك ءونىمنىڭ قۇنى جانە ونى تولەۋ ءتارتىبى; 6) ەكسكۋرسوۆودتىڭ, گيدتىڭ (گيد-اۋدارماشىنىڭ) جانە تۋريزم نۇسقاۋشىسىنىڭ بولۋى; 7) قوسىمشا قىزمەتتەر; 8) ساياحات جاساۋ كەزىندە ولار كەزدەسۋى مۇمكىن قاۋىپتەرى, ساياحاتتاۋدىڭ ەرەكشەلىكتەرى تۋرالى, سونداي-اق قاۋىپسىزدىك شارالارى تۋرالى مالىمەت; 9) وسى شارت بويىنشا مىندەتتەمەنى ورىنداۋ ءۇشىن قاجەتتى كولەمدە تۋريستىك ونىمگە كىرەتىن جەكەلەگەن تۋريستىك قىزمەتتەر كورسەتەتىن ءۇشىنشى تۇلعالار تۋرالى مالىمەت. 16. تۋريستىك قىزمەتتى جۇزەگە اسىراتىن تۇلعالار تۋريستكە ۋاقىتشا بولاتىن ەلدە (جەردە) ورنالاسقان, تۋريست ۋاقىتشا بولاتىن ەلدە (جەردە) توتەنشە جاعداي تۋىنداعان جاعدايدا نەمەسە باسقا دا جايتتارعا, ونىڭ ومىرىنە, دەنساۋلىعىنا قاۋىپ توندىرەتىن جانە ونىڭ م ۇلىگىنە زيان كەلتىرگەن (زيان كەلتىرۋ مۇمكىندىگى) جاعدايدا قازاقستان رەسپۋبليكاسىنىڭ شەت ەلدەردەگi مەكەمەلەرى, وزگە دە مەملەكەتتىك, سونداي-اق تۋريستىك وكىلدىكتەرەردىڭ ورنالاسقان جەرى, پوچتالىق مەكەنجايى جانە بايلانىس اقپاراتى تۋرالى اقپارات ۇسىنادى. 17. تۋريستىك قىزمەتتى جۇزەگە اسىراتىن تۇلعالار ساياحات كەزىندە ءتۋريستىڭ توتەنشە جاعدايعا ۇشىراعانى تۋرالى بىلگەن نەمەسە بىلۋگە ءتيىس ساتتەن باستاپ شەت ەلدەردەگi مەكەمەلەرگە, وبلىستاردىڭ جەرگىلىكتى اتقارۋشى ورگاندارىنا, رەسپۋبليكالىق ماڭىزى بار قالالارعا, استاناعا تۋريستىك قىزمەت سالاسىنداعى ۋاكىلەتتى ورگانعا جانە ازاماتتىق قورعاۋ سالاسىنداعى ۋاكىلەتتى ورگانعا, سونداي-اق ءتۋريستىڭ وتباسىنا دەرەۋ حابارلايدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10590 بولىپ ەنگىزىلدى.